தேனுடன் மிளகுப் பொடியைச் சேர்த்து சாப்பிட்டால்...

மிளகு: மிகச்சிறந்த மருத்துவ தன்மை கொண்டது. விஷத்தை முறிக்கும். தேனுடன் மிளகுப் பொடியைச் சேர்த்து சாப்பிட்டால், சளித் தொல்லையில் இருந்து விடுபடலாம்.

சோம்பு: வயிறு சம்பந்தப்பட்ட பிரச்சனைகளை நீக்கும். வாந்தியை நிறுத்தும். வாய் துர்நாற்றத்தைப் போக்கும். மணமூட்டியாகச் செயல்படுவதுடன் செரிமான சக்தியையும் மேம்படுத்தும்.

சீரகம்: உள் உறுப்புகளைச் சீர்செய்வதால் சீரகம் என்று பெயர் பெற்றது. வயிற்றுப் புண் மற்றும் தலைசுற்றலைச் சரிசெய்யும். இரத்த அழுத்தத்தைச் சீராக்கும். இரத்தத்தை சுத்திகரிக்கும்.

மஞ்சள்: மஞ்சளில் உள்ள குர்குமின், இதய நோய்கள் உயர் இரத்த அழுத்தம் ஆகியவற்றுக்கு நல்லது. சிலவகைப் புற்றுநோய்களைத் தீர்க்கும் சக்தி மஞ்சளுக்கு உண்டு

வெந்தயம்: உடலின் வெப்பநிலையை சமன்செய்யும். கண் எரிச்சலைப் போக்கி குளிர்ச்சியை அளிக்கும். சர்க்கரை நோயாளிகள் காலையில் வெறும் வயிற்றில் சாப்பிட்டுவர, சர்க்கரையின் அளவு கட்டுக்குள் இருக்கும். மாதவிடாய் காலங்களில் வயிற்றுவலியைச் சமாளிக்க நீர் மோருடன் சிறிதளவு வெந்தயத்தைக் கலந்து குடிக்கலாம்

கறிவேப்பிலை: சர்க்கரை நோய் உள்ளவர்கள் சாப்பிட்டு வருவது நல்லது. இரும்புசத்துக் குறைப்பாடு, பார்வைக் குறைபாடு, முடி உதிர்தல் ஆகியவற்றை தீர்க்கும்.

கொத்தமல்லி: செரிமானத்தை அதிகரிக்கும். கல்லீரலைச் சுத்தப்படுத்தும்.

இஞ்சி: பித்தக்குறைபாடு, சளி மற்றும் காய்ச்சலுக்கு உகந்தது. வயிற்று உபாதைகளைத் தீர்க்கும்.

பூண்டு: கெட்ட கொழுப்பைக் குறைக்கும். வாயுத் தொல்லைகள் உருவாகாமல் தடுக்கும். அன்றாடம் அளவுடன் சாப்பிட்டு வர புற்றுநோய்கள் வராமல் தடுக்கும்.

இருமல் : உலர்ந்த திராட்சையை பாலில் இட்டு காய்ச்சி குடித்து வந்தால் நீங்கும். ஒரு சிட்டிகை மஞ்சள், மிளகுப்பொடியை தேனில் குழைத்து சாப்பிட்டு வந்தாலும் குணமாகும்.

சளி : வெற்றிலை, 3 மிளகு, துளசி இலையை சேர்த்து மென்று விழுங்கவும் அல்லது உறங்கும் முன் சிறிது வெந்தயத்தை சாப்பிட்டு 1 டம்ளர் வென்னீர் அருந்தினால் குணமாகும்.

சீதபேதி : ஊறவைத்த வெந்தயத்தை அரைத்து தயிரில் கலந்து 3 வேளை கொடுக்க குணமாகும்.

தலைச்சுற்றல் : சீரகத்தை வாயில் போட்டு குளிர்ந்த தண்ணீரை குடித்தால் தலைச்சுற்றல், மயக்கம் நீங்கி விடும்.